Copyright umuseke
Ubuyobozi bw’ikipe y’Ingabo, bwatangaje ko abakinnyi babiri baherutse gufatirwa ibihano muri iyi kipe, baciye bugufi bagasaba imbabazi z’amakosa bakoze. Kuva ikipe ya APR FC yava mu Misiri gukina na Pyramids FC muri CAF Champions League, ubuyobozi bw’ikipe bwatangaje ko, Mamadou Sy na Seidu Dauda Yussif, bafatiwe ibihano birimo guhagarikwa mu bikorwa byose by’ikipe kubera imyitwarire yabagaragayeho bari mu Misiri. Ibicishije ku ruburwa rwa yo [Website], APR FC yatangaje ko aba bakinnyi baherutse gusaba imbabazi ubuyobozi n’umutoza, Taleb. Bati “Ubuyobozi bw’ikipe ndetse n’umutoza bakaba batangaje ko basabye [Sy na Dauda] imbabazi nyuma yo gufatirwa ibihano by’ukwezi aho mu minsi mike umwanzuro kuri bo uzajya hanze.” Aba bakinnyi bombi, bari kwitoreza mu makipe y’abato y’ikipe y’Ingabo. Uretse aba bakinnyi ikipe izaba idafite ku mukino w’umunsi wa Gatandatu, ntizaba inafite Djibril Quattara wavunitse na Memel Dao wavunitse mu gihe Ronald Ssekiganda adahari kubera ikarita y’umutuku yeretswe ku mukino wa Kiyovu Sports.
